ფილმი ორი ეპიზოდისგან შედგება, რომლებიც ორ სხვადასხვა ისტორიას მოგვითხრობს, ორ ქვეყანაზე. პირველ ეპიზოდში ხანშიშესულ თაღლით ფორტუნატოს მოპარული მანქანები შემოყავს არაბეთის ემირატებიდან, რომის ერთ-ერთი კომპანიის დაკვეთით. ამაში მას ახალგაზრდა მარჩელო ეხმარება, რომელიც კომპანიამ გამოსაცდელი ვადით აიყვანა. ერთად მათ წარმოუდგენელი თავგადასავლები ელით. მეორე ეპიზოდი მდიდარ და წარმატებულ იტალიელ დანტისტზეა, რომელიც ცხოვრებისგან დაიღალა და ოჯახურ ურთიერთობებშიც ბზარი გაუჩნდა. მას საერთაშორისო კონფერენციაზე პეტერბურგში გამგზავრებაც კი არ სურს.